Sámedikki, Sámi Girječálliid Searvvi ja Sámi Dáiddárráđi oktasaš prošeavttas girječállioahpus lea vuosttas deaivvadeapmi iežas ohppiiguin 26.-28.6 Álttás. Sámiid stuorimus násti Mari Boine searvá girječállioahpu rahpamii bearjadaga 26.6 ja doallá konseartta girječállioahpu ohppiide.

Logi oahppi leat álggáhan girječállioahpu ja ohppiin lea vuosttas oktasaš deaivvadeapmi geassemánu loahpas Álttás. Dát vuosttas deaivvadeapmi álggáha guovttejahkásaš girječállinoahpu, man váldoulbmilin lea oažžut nuoraide eanet girjjálašvuođa sámegillii. Bearjadahkii 26.6 girječállioahppu lea ordnen erenoamáš prográmma, mainna háliida movttiidahttit iežas ohppiid. Sámiid stuorimus násti Mari Boine searvá girječállioahpu rahpamii ja doallá ohppiide priváhta konseartta.

Mii leat hui movttegat go Mari Boine háliida doarjut min prošeavtta ja atnit stuorra gudnin ahte juste son oassálastá rahpamii. Dát lea hui buorre álgu min ohppui ja Mari Boine gal lea insirašuvdna ja ovdagovva midjiide buohkaide ja sihkkarit maiddái min ohppiide. Mari Boine čájeha iežas ovdamearkkain gosa olmmoš sáhttá beassat čehppodagain ja viššalvuođain ja dán jurdaga mii háliidit ovddidit iežamet ohppiide, muitala girječállioahpu prošeaktajođiheaddji Piia Susanna Juuso.

Ulbmilin almmustahttit girjjiid nuoraide sámegillii

Girječállioahppu lea dárbbašlaš prošeakta, mas lea dehálaš ulbmil: almmustahttit eanet girjjálašvuođa sámegillii ja erenoamážit nuoraide, geaidda eai leat almmustuvvan nu ollu girjjit sámegillii. Girječállioahppu fállá oahpu mainna lokte boahttevaš girječálliid gelbbolašvuođa girjjálašvuođas ja čállimis vai boahtteáiggis sis lea buoret vejolašvuohta čállit giehtačállosiid ja bargat girječállin. Juste dákkáraš girječállioahppu ii leat leamaš ovdal mas oahppit ožžot oahpahusa ja juohke oahppi oažžu vel iežas bagadalli gii veahkeha su giehtačállosa hábmemis. Oahpus ii oaččo oahppočuoggáid, muhto oahpu ja bagadallama gárvet giehtačállosa, man oahppit galget gárvet oahpu áigge.

Eanet dieđuid addá: Piia Susanna Juuso 

SGS DOAIBMAPLÁNA 2010 -2012

1. Čáppagirjjálašvuođa oastinortnet

Boahtun sámi dáiddašiehtadusas 2008 nammadii Sámediggi (N) 2008s dasa bargojoavkku: Anders Somby (SK), Issát Sámmol Heatta (SGS) ja Svenn-Egil Knutsen Duolljá (Sámedikki hálddahusas). Čáppagirjjálašvuođa oastinortnet 2010 giđa ráhkadii Sámediggi njuolggadusaid sámi čáppagirjjálašvuođa oastinortnegii. Dát njuolggadusat leat gulaskuddamii sáddejuvvon. Doaivumis lea ahte oastinortnet doaibmagoahta farggamusat maŋŋil gulaskuddama.

Vuollelágit